میرا کاروبار 3 یا4 ماہ سے مسلسل تباہی کی طرف جارہا۔ اتنا کے جن سے لینےوہ دیتے نہیں جن کو دینے وہ صبر کرتے نہیں

عبقری میں شائع ہوا کہ رمضان کے مقدس لمحات حضرت دامت برکاتہم کیساتھ گزاریں تو یہ پڑھ کر بہت خوشی ہوئی۔ تسبیح خانہ میں وقت گزارنے کیلئے فون کیا اور نام لکھوایا۔اللہ پاک نے یہاں آنے کی سعادت بخشی۔
محترم حکیم صاحب سے تعارف: محترم حکیم صاحب! میری دکان کے ساتھ ایک دکان ہے۔ میں اپنی دکان میں بیٹھا بیٹھا تنگ آچکا تھا‘ کام بالکل بھی نہیں تھا۔ ساتھ دکان والےدوست ہیں میں وہاں چلا جاتا‘ وہاں میں نےعبقری رسالہ دیکھا بہت اچھا لگا۔ اس کے بعد پھر ذہن سےنکل گیا‘ پھر ایک مرتبہ میںمسجد میں عصر کی نماز پڑھنےگیا تو وہاں ایک دوست نے بتایا کہ روحانی و اصلاحی بیان ہے حضرت حکیم محمد طارق محمود مجذوبی چغتائی دامت برکاتہم کا۔ میں نے سوچا یہ تو وہ عبقری رسالہ والے ہیں۔ چلو ایک دفعہ سن تو لیں اور جب آپ کا پہلا بیان ہری مسجد نواب گوٹھ میں سنا تو دل میںتڑپ اٹھی۔
میں ایک دکاندار ہوں اور میرا کاروبار 3 یا4 ماہ سے مسلسل تباہی کی طرف جارہا تھا۔ اتنا کہ جن سے لینے تھے وہ دیتے نہیں جن کو دینے تھے وہ صبر کرتے نہیں۔ مال بکنا بند ہوگیا اور سارا دن دکان پر بیٹھ کر خالی ہاتھ گھر چلے جاتے۔ ایک روپیہ سیل نہ ہوتی‘ بہت پریشان تھا۔
جب میں نے تسبیح خانہ میں رمضان گزارنےکا پکا ارادہ کیا اور ٹکٹ بکنگ کراچکا تھا تو آنےسے دو دن پہلے مجھے ایک کمپنی نے فون کیا کہ ہمارے دفتر آؤ‘ میں نے پہلے بھی ان کو مال دیا تھا۔ وہاں کے انجینئر سے ملا انہوں نے کام کا بتایا اور کہا کہ بھائی پیسے کتنے ہوتےہیں میں نے حساب کا بتایا کہ ایک لاکھ بیس ہزار۔ انہوں نے کہا اچھا ٹھیک ہے ایڈوانس کتنا چاہیےمیں سوچ رہا تھا کتنا کہوں تو انہوں نے کہا یہ لو 25 ہزار کام چلاؤ‘ مال عید کے بعد دینا۔ اب پیسے لیے سوچا میں تو تسبیح خانہ جاؤنگا۔ پھر میں نےدوسرے بھائی کو کام کی ذمہ داری لگائی اب جب میں تسبیح خانہ آیا توپیچھےکام بھی بڑھ گیا۔ محترم حکیم صاحب! میرے لیے دعا فرمائیں کہ اللہ آپ کی خدمت میں اور تسبیح خانہ میں رمضان گزارنے کی سدا توفیق بخشے ۔ آمین۔